Þekkingarnet Þingeyinga

Þekkingarnetið er miðstöð símenntunar, rannsókna, nýsköpunar og háskólaþjónustu með starfsstöðvar á Norðurlandi eystra. Markmið stofnunarinnar er m.a. að efla byggð í Þingeyjarsýslum með styrkri símenntun, þjónustu á sviði háskólanáms, rannsóknastarfi og aðstöðu fyrir nýsköpunarstarf.

Stofnunin leggur áherslu á að tengja saman staðbundna þekkingu og alþjóðlegt samstarf og að reynsla og þekking sem verður til í verkefnum skili sér aftur til samfélagsins.

Þekkingarnetið hefur tekið þátt í fjölbreyttum innlendum og alþjóðlegum verkefnum sem tengjast menntun, nýsköpun, atvinnu- og byggðaþróun, samfélögum á norðurslóðum og sjálfbærni. Með þátttöku í samstarfsáætlunum á borð við NORA, Nordplus og Erasmus+ hefur stofnunin byggt upp tengsl við samstarfsaðila á Íslandi, Norðurlöndum og öðrum Evrópulöndum og tekið þátt í þekkingarsköpun og reynslumiðlun þvert á landamæri.

​