Sjávarútvegsmiðstöð Háskólans á Akureyri

Sjávarútvegsfræðasetur Háskólans á Akureyri var formlega stofnað fimmtudaginn 16. apríl 2009 þegar skrifað var undir samning milli HA og sjávarútvegs- og landbúnaðarráðuneytisins. Setrið var sett á laggirnar til að styðja við þá stefnu Háskólans á Akureyri (HA) að efla tengsl atvinnulífs og háskóla; efla gagnkvæm tengsl og rannsóknir og öflun og miðlun þekkingar innan sjávarútvegsins. 

Sjávarútvegsfræðasetrið stefnir einnig að því að efla forystu HA í fræðslu og rannsóknum á sjávarútvegi með eflingu hagnýtra rannsókna, verkefna og fræðslu tengdri sjávarútvegi. Í því felst m.a. að efla samstarf við sjávarútvegsgeirann, bæta ímynd almennings í sjávarútvegi og efla fræðslu við HA . 

Sjávarútvegsfræðasetrið er stofnun innan háskólans en fær fjármögnun sína sjálfstætt. Í setrinu er eitt stöðugildi sem er aukið með rannsóknastyrkjum og kennslu innan háskólans. Aðrir starfsmenn eru M.Sc. nemendur eða rannsakendur sem fjármagnaðir eru af sjálfstæðum verkefnum. 

​